Est possìbile a torrare a dare biatzesa a sa lìngua sarda e in su matessi tempus a fraigare una indùstria a inghìriu de sa lìngua chi permitat a sa Sardigna de crèschere economicamente?
Fatu fatu ismenguamus su valore de sa lìngua nostra, ca sa sotziedade nos at pesadu imparende•nos chi su prus valore artu de una cosa est su valore econòmicu e totu su restu benit a pustis.
Duncas, mi diat pràghere a provare a pesare unu arresonu in pitzu de sa richesa econòmica chi diat pòdere prodùire sa lìngua sarda, tochende dae is datos de unu istùdiu subra sa lìngua basca – de immoe a in antis, “euskera” – chi at medidu is retumbos econòmicos de sa lìngua locale in sa Comunidade Autònoma de Euskadi (CAE).
Mancari s’istùdiu remontet a su 2015 nos giaet unu muntone de datos de interessu mannu chi diant pòdere cunvinchere finas is prus scrètios chi nde balet sa pena a investire dinare in sa lìngua nostra, una indùstria locale a a km0.
S’istùdiu “Valor e impacto econòmico del Euskera” analizat a minudu totus is setores de s’economia basca chi sunt acapiados a istrintu cun sa lìngua: est a nàrrere totus is produtos e servìtzios in ue s’euskera est s’ogetu de s’atividade o unu elementu chi non podet mancare.
Sena de nos pònnere a isboddiare is informatziones prus tècnicas, podimus nàrrere chi s’istùdiu pigat in cunsideru bator setores: su primu est s’indùstria de sa lìngua – est a nàrrere s’imparu de s’euskera foras de su sistema educativu, su traballu de tradutzione e interpretatzione, is servìtzios de consulèntzia linguìstica, s’elaboratzione e difusione de corpus in euskera e totu su chi pertocat sa lìngua e sa tecnologia – su de duos est s’indùstria de sa cultura e de is medios de comunicatzione – est a nàrrere s’indùstria de is libros, de sa mùsica, is fraigadores autònomos de cultura, medios audiovisuales, teatru e àteru ancora – su de tres pertocat is atividades in s’àmbitu de s’educatzione dae s’iscola de s’infàntzia a s’universidade e, pro acabbare, su de bator est s’amministratzione pùblica, chi tenet unu rolu de importu mannu, ca traballat pro promòvere s’impreu de s’euskera.
Su chi nde essit a pìgiu est ispantosu, ca is atividades acapiadas a s’euskera generant su 4,2% de su PIB (Produtu Internu Brutu) de sa Comunidade Autònoma de Euskadi, e no est cosa de nudda, ca sa CAE est sa de tres prus arricas regiones de totu s’Istadu Ispanniolu. Semus chistionende de 2.800 milliones de euros generados gràtzias a sa lìngua basca.
Pro su chi pertocat su traballu, chi comente si podet imàginare pro sa prus parte est acapiadu a su campu de s’educatzione, 43.000 persones traballant de forma direta pro e cun s’euskera, e lompent finas a 56.000 si pigamus in cunsideru is traballadores in forma indireta o indùsida.
Si faghimus una cumparatzione intro is abitantes de sa CAE e cussus de sa Sardigna, nde essit chi 30.000 sardos diant pòdere traballare gràtzias a su sardu de forma direta isceti.
Podimus duncas nàrrere chi su sardu est unu iscusòrgiu pagu carculadu, chi podet giare richesa econòmica e culturale a cust’ìsula. Ma comente si diat pòdere pesare unu sistema che cussu de sa Comunidad Autonoma de Euskadi?
A istantargiare unu sistema aici cumplessu non est cosa chi faghet a ddu fàghere dae una die a s’àtera, ma seguru sa matèria primàrgia non est su chi nos ammancat, ca est sa lìngua nostra: est locale, non dda depimus batire dae foras, non dda depimus bogare dae suta e terra e non produset arrefudos.
Prusapprestu su chi forsis ammancat e prus bisongiamus est sa volontade polìtica de nche traballare a subra e prus ancora una istrategia crara, bene istudiada e a longu tretu.
Diat tocare a furriare fundu a susu sa manera de nche traballare chi sa polìtica at portadu a innantis finas a oe, ca paret unu pagu ghetada a pare e delegada a initziativas individuales o de sìngulas istitutziones, chi però non sunt postas a pare in unu caminu cara a unu obietivu definidu.
Si gastat dinare pro finantziare unu muntone de progetos e progeteddos chi però – mancari a bortas siant de a veras de gabbale – sunt totus disacapiados, arrinconados, unu annu ddoe sunt e s’annu a pustis chie dd’ischit. Aici, su dinare impreadu, non nos torrat profetos mannos, non cambiat sa sorte de su sardu, ne incarrerat unu molinu virtuosu chi potzat sighire a in antis.
Tocat a nche traballare cun apentu, a si sètzere paris cun istudiosos e espertos de revitalizatzione linguìstica e pesare una istrategia chi non bàgiat pro uno o duos annos, ma chi miret a chimbe, deghe, bint’annos, primitziende dae is cosas chi si podent e si depent cumentzare oe etotu – pro nde nàrrere una, sa promotzione de s’impreu de sa lìngua – finas a lòmpere a is cosas chi bisòngiant de prus tempus – sa formatzione de maistros e tradutores, sa fraigadura de materiale iscritu e audivisuale etc.
Tenimus sa possibilidade de fàghere duos servìtzios cun unu cumandu: torrare dignidade e biatzesa a sa lìngua e sa cultura nostra e fàghere fintzas crèschere s’arrichesa econòmica de Sardigna.
Ma tocat a isseberare de istudiare bene s’istrategia e de nche pònnere dinare pro dda portare a in antis. Sa CAE investit in s’euskera 77 milliones de euros in unu annu, chi paret meda, ma si faghimus unu contu cumparende•ddus cun is pagu prus o mancu 2.800 milliones chi si nde guadàngiat, bolet nàrrere chi cada millione gastadu nde frutat agiumai 37. Calicunu at a pensare chi ddoe siant cosas prus de importu e prus urgentes, comente sa sanidade, s’istrutzione, sa mobilidade, ma mi diat pràghere respòndere a custas dudas e acabbare custu arresonu mentovende su chi at nadu Tore Cubeddu – fundadore de EJA TV – in una intervista chi dd’ant fatu “Artisti fuori posto”: “in is sotzial ddoe at gente chi narat “eh ma c’è la sanita”. Beru, cussu puru ddoe est, però si una persone bivet in una terra chi non istimat e non nde connoschet nudda, est comente a èssere malaidos”.
È possibile ridare vitalità alla lingua sarda e al contempo costruire attorno alla lingua una industria che permetta alla Sardegna di crescere economicamente?
Spesso sminuiamo il valore della nostra lingua, poiché la società ci ha cresciuto insegnandoci che il valore più alto di una cosa e quello economico, e tutto il resto viene dopo.
Allora mi priacerebbe provare a sviluppare un ragionamento riguardo la ricchezza economica che potrebbe produrre la lingua sarda, partendo dai dati di uno studio sulla lingua basca – d’ora in avanti “euskera” – che ha misurato le ricadute economiche della lingia locale nella Comudad Autònoma de Euskadi (CAE)
Benché lo studio risalga al 2015, ci da una grande quantità di dati estremamente interessanti che potrebbero convincere perfino i più scettici del fatto che valga la pena investire nella nostra lingua: una industra locale e a km0.
Una industria di parole
Lo studio “Valor e impacto econòmico del Euskera” analizza a fondo tutti i settori dell’economia basca che sono strettamente legati alla lingua, ovvero tutti i prodotti e i servizi nei quali l’euskera è l’ogetto dell’attività o un elemento imprescindibile.
Senza addentrarci nelle informazioni più tecniche, possiamo dire che lo studio prende in considerazione quattro settori: il primo è l’industria della lingua – ovvero l’insegnamento dell’euskera al di fuori del sistema educativo, il lavoro di traduzione e interpretazione, i servizi di consulenza linguistica, l’elaborazione e diffusione di corpus in euskera e tutto ciò che riguarda la lingua e la tecnologia – il secondo è l’industria della cultura e dei mezzi di comunicazione – ovvero l’industra dei libri, della musica, i produttoru autonomi di cultura, i media audiovisiali, il teatro e altro ancora – il terzo riguarda le attività nell’ambito dell’educazione dalla scuola dell’infanzia all’università e, infine, il quarto settore è l’amministrazione pubblica, che ha un ruolo molto importante poiché lavora per promuovere l’utilizzo dell’euskera.
I risultati di questa indagine sono sorpendendi, infatti le attività legate all’euskera generano il 4,2% del PIL della Comunidad Autònoma de Euskadi, e non è una cosa di poco conto se consideriamo che la CAE è la terza regione più ricca dello stato spagnolo. Stiamo parlando di 2.800 milioni di euro generati grazie alla lingua basca.
Per quanto riguarda i posti di lavoro, che come si può immaginare sono legati per lo più al campo dell’educazione, ben 43.000 persone lavorano in forma diretta per e con l’euskera, e il numero sale a 56.000 se si prendono in considerazione i lavoratori in forma indiretta e indotta.
Se facciamo un paragone tra gli abitanti della CAE e quelli della Sardegna, risulta che 30.000 sardi potrebbero lavorare grazie al sardo soltanto in forma diretta.
Possiamo quindi dire che il sardo è un tesoro che può dare ricchezza economica e culturale a quest’isola, ma non viene preso in considerazione. Ma come si potrebbe mettere su un sistema come quello della Comudida Autònoma de Euskadi?
Costruire un sistema così complesso non è qualcosa che si può fare da un giorno all’altro, ma sicuramente non ci manca la materia prima, che è la nostra lingua: è locale, non la dobbiamo importare, non la dobbiamo estrarre da sotto torre e non produce inquinamento.
Piuttosto quel che probabilmente manca e di cui abbiamo maggiormente bisogno è la volontà di lavorarci su e ancora di puù una strategia chiara, ben studiata e a lungo termine.
Bisognerebbe ribaltare completamente il modo di lavorare sulla lingua che ha portato avanti la politica fino a oggi, che sembra un po’ improvvisato e delegato a iniziative individuali o di singole instituzioni, che però non sono legate all’interno di un percorso che conduce a un obiettivo definito.
Si spendono soldi per finanziare un sacco di progetti e progettini che però – benche a volte siano davvero di grande valore – sono tutti slegati tra loro, isolati, un anno ci sono e l’anno successivo chi lo sa. Così, i soldi utilizzati, non danno grossi benefici, non cambiano il destino del sardo, né aiutano ad avviare un circolo virtuoso che possa andare avanti nel tempo.
È necessario lavorare con dedizione, sedersi insieme a studiosi e esperti di revitalizzazione lingustica e definire una strategia che non valga soltanto per uno o due anni, ma che guardi a cinque, dieci, vent’anni, cominciando dalle cosa che si possono avviare oggi stesso – per dirne una, la promozione dell’utilizzo della lingua – fino ad arrivare alle cose che necessitano più tempo – la formazione degli insegnanti e traduttori, la produzione di materiale scritto e audiovisivo etc.
Abbiamo la possibilità di prendere due piccioni con una fava: ridare dignità e vitalità alla lingua e alla cultura nostra e far crescere la ricchezza economica della Sardegna.
Ma bisogna scegliere di studiare bene una strategia e di fare investimenti per portarla avanti. La CAE investe nell’euskera 77 milioni di euro in un anno, che possono sembrare molti, ma se facciamo un conto comparandoli a i circa 2.800 milioni che se ne guadagnano, significa che ogni milione investito ne frutta quasi 37.
Qualcuno penserà che ci sono cose più importanti e urgenti, quali la sanità, l’istruzione, i trasporti, ma mi piacerebbe rispondere questi dubbi e terminare questo ragionamento citando ciò che ha detto Tore Cubeddu – fondatore di Eja TV – in una intervista che gli è stata fatta dagli “Artisti Fuori Posto”: “nei social ci sono persone che dicono “eh, ma c’è la sanità”. È vero, c’è pure quella, ma se una persona vive in una terra che non ama e che non conosce, è come essre malati”.
Imàgini: Freepik
